Om utvalet

Medlem

Gunnar O. Hæreid
Assisterande statsforvaltar i Vestland
Utvalsleiar

Gunnar O. Hæreid er assisterande statsforvaltar i Vestland sidan 2019, i Sogn og Fjordane frå 2011 til 2019. Han er utdanna jurist frå Universitetet i Oslo (1994) med tilleggsmaster (LLM) frå University of Edinburgh (1998). Hæreid har fungert som fylkesmann eller statsforvaltar i lengre periodar både i Sogn og Fjordane og i Vestland. Han har tidlegare jobba som dommarfullmektig i Indre Sogn tingrett og konstituert lagdommar i Hålogaland lagmannsrett, som sakshandsamar hjå Sivilombodsmannen og som advokat hjå Regjeringsadvokaten. Hæreid var også medlem av Forvaltningslovutvalget og av Gjerdrumutvalet, som granska kvikkleireskredet og kom med tilrådingar om endringar i regelverk.
Christian Hintze Holm
Avdelingssjef for kulturarv i Viken fylkeskommune
Christian Hintze Holm er avdelingssjef for kulturarv i Viken fylkeskommune. Han er cand. philol. med hovudfag i historie frå Universitet i Oslo 1991. Han har skrive lokalhistoriske verk om Nesodden og Frogn kommune, og var førstekonservator ved Follo Museum og Akershusmuseet frå 1999 til 2012. I periodane 2003-07 og 2007-11 var han ordførar i Nesodden kommune, og han hadde ei rekkje politiske verv i åra frå 1983 til 2018. Han var assisterande fylkesdirektør og leiar for kulturminnevernseksjonen i Akershus fylkeskommune frå 2012 til 2018, og fram til samanslåinga av fylka i 2020 var han fylkesdirektør for kultur, frivilligheit og folkehelse. Sidan 2020 har han vore leiar for kulturarvavdelinga i Viken fylkeskommune.
Marianne Olssøn
Gardbrukar og partner i advokatfirmaet Mageli
Marianne Olssøn er advokat med møterett for Høyesterett. Ho har bakgrunn frå Regjeringsadvokaten og har erfaring frå styre- og utvalsarbeid. Ho driv garden Hovelsrud på Helgøya i Mjøsa, med økologisk kylling og gardsturisme basert på den historiske hagen og utleige av restaurerte hus. I 2012 blei ho gitt den nasjonale kulturlandskapsprisen, og i 2014 Europa Nostra Award i klassa «Conservation» for arbeidet med tilbakeføringa av huset og hagen på Hovelsrud.
Nils Anfinset
Prodekan og professor i arkeologi ved Universitetsmuseet, Universitetet i Bergen
Nils Anfinset er professor i arkeologi ved Universitetsmuseet, UiB. Han er utdanna arkeolog ved UiB i 1996 med etnografisk og arkeologisk feltarbeid i Nepal, og har doktorgrad frå UiB i 2005 basert på utgravingar i Jeriko. Han har elles brei felterfaring frå Tanzania, Syria, Østerrike og Noreg, og har betydeleg undervisningserfaring både nasjonalt og internasjonalt. Sentral har vore forvaltinga av kulturarv, bronsealder, nomadisme, tidleg metallurgi, utvikling av politisk økonomi og kompleksitet, og forskingsetikk. Han har vore medlem av Nasjonalt utvalg for forskning på menneskelige levninger (Skjelettutvalget) i 9 år, 5 år av desse som leiar. For tida er han prodekan ved Universitetsmuseet, UiB.
Kjersti Gram Andersen
Seksjonsleiar i Miljødirektoratet
Kjersti Gram Andersen er utdanna naturforvaltar frå Norges landbrukshøgskole (1985). Sida har ho blant anna jobba mange år i Naturforvaltningsavdelingen i Klima- og miljødepartementet, vore miljøverndirektør og assisterande fylkesmann i Østfold, plansjef i Ski kommune, leiar av Klima og miljø i Nordre Follo kommune og samfunnsutviklar i Hjartdal kommune. Ho har også vore sekretær for Biomangfoldlovutvalget og medlem i Losutvalget. For tida leiar ho Seksjon for avfall og grunnforurensning i Miljødirektoratet.
Jarand Felland
Ordførar i Tokke kommune
Jarand Felland er utdanna jurist frå Universitetet i Bergen (1997). Han har tidlegare jobba som advokat, dommarfullmektig ved Hallingdal tingrett og seksjonssjef i Statkraft. Han har også vore seniorrådgjevar i vassressursavdelinga i Olje- og energidepartementet og politisk rådgjevar i same departement. Sidan 2015 har han vore ordførar i Tokke kommune.
Torvald Falch
Seniorrådgjevar i Sametinget
Torvald Falch er seniorrådgjevar i Sametinget. Han arbeider med samiske land- og ressursrettsspørsmål og har blant anna delteke i arbeidet med ny plan- og bygningslov, naturmangfaldlov, fiskerilovgeving, minerallov, reindriftslov og konsultasjonsføresegnene i sameloven. Han har tidligere leia Sametingets avdeling for miljø- og kulturminnevern. Han er utdanna statsvitar og arbeider med ein PhD ved UiT, Norges arktiske universitet, om urfolk sin sjølvråderett og demokratiet si rolle. Han har skrive artiklar om samepolitikk, og saman med professor Per Selle har han skrive boka Sametinget. Institusjonalisering av en ny samepolitikk på Gyldendal.
Ingunn Elise Myklebust
Professor ved Det juridiske fakultet ved Universitetet i Bergen
Ingunn Elise Myklebust er professor ved Det juridiske fakultet ved Universitetet i Bergen, der ho forskar og underviser i planrett, miljørett og tingsrett. For tida er ho mellom anna rettleiar for ein PhD-kandidat som skriv avhandling innanfor planrettsfaget og leiar fakultetet si forskargruppe i forvaltningsrett. Ho har tidlegare arbeidd i Byrådsavdeling for miljø og byutvikling, og som advokat hjå Kommuneadvokaten i Bergen.
Ola Harald Fjeldheim
Generalsekretær i Fortidsminneforeningen
Ola H Fjeldheim er frå Ullensaker i Akershus, og er generalsekretær i Fortidsminneforeningen. Han har ein cand.mag i miljøteknologi, bachelor i kulturhistoriske fag og master frå Arkitektur- og designhøyskolen i Oslo (AHO). Fjeldheim arbeidde som lærar i vidaregåande skule fram til 2005, men starta då i eit kulturminneprosjekt med funksjonsområde i Trøndelagsfylkene, Hedmark og Sverige. Mellom 2007 og 2013 var han kulturminnekonsulent i Ullensaker kommune, før han starta i sin noverande jobb. Fjeldheim har skrive ei rekkje fagartiklar innan kulturminnevern, og er ein mykje brukt foredragshaldar. Han bur på og forvaltar eit gardsbruk med fleire verneverdige bygningar.
Caroline Wang Gierløff
Partnar og avdelingsleiar i Menon Economics
Caroline Wang Gierløff er partnar og avdelingsleiar i Menon Economics, og har vore PhD-stipendiat i samfunnsøkonomi ved Handelshøyskolen ved Norges Miljø- og Biovitenskapelige Universitet (NMBU). Ho har ein master frå same lærestad og ein bachelor i samfunnsøkonomi frå Universitetet i Oslo. Caroline arbeider med samfunnsøkonomiske analysar av offentlege tiltak og investeringar innan ulike sektorar i samsvar med Utredningsinstruksen og Finansdepartementets R-109/21, samt utgreiingar som følgjer krav til metodikk og kvalitet i Statens prosjektmodell. I fleire år har Caroline arbeidd med analysar innan kulturminnefeltet med eit særleg fokus på å identifisere og berekne den samfunnsøkonomiske og næringsøkonomiske verdien av kulturminne- og miljø. Ho har arbeidd med analysar i forkant av fleire moglege kulturmiljøfredingar, evaluert endringar i kulturminneforvaltninga og etablert indikatorar for miljøovervåking av samfunnsnytte og berekraft av kulturminne og -miljø.